KREMASTA SUPA OD MRKVE - Tropic

Iz naše Tropic kuhinje /

KREMASTA SUPA OD MRKVE

Vrijeme je da zajedno sa nama otkrijete posebne recepture, savjete i kulinarske trikove koji ne samo da će olakšati vaše vrijeme provedeno u kuhinji, već i probuditi inspiraciju iz koje nastaju neodoljivi ukusi. 👨‍🍳 👩‍🍳 Supa je sinonim za hranu koja nas krijepi, tješi i podsjeća na domaću atmosferu i vrijeme koje provodimo u krugu porodice. 🙂 Odličan je saveznik za održavanje vitke linije i pravi izbor za sve koji vode računa o balansiranoj ishrani. 😊 Ako volite bar malo da eksperimentišete u kuhinji, donosimo vam ideju za brzu i ukusnu krem supu od mrkve koju možete poslužiti kao predjelo ili glavno jelo. Krem supa je jedno od onih jela koja možete konzumirati topla ili hladna. Što se nas tiče, obe opcije dolaze u obzir. 👌🏻😊

Sastojci:

  • 900 g mrkve
  • 1 mala glavica crvenog luka
  • 100g celer lista
  • 3 povrtne kocke
  • 5l vode
  • 1dl maslinovog ulja
  • So i biber po ukusu
  • 1 čajna kašika majčine dušice

Priprema:

Mrkvu, luk i celer očistiti i  i sitno narezati. Posuti maslinovim uljem, dodati so i biber. Spremiti pleh sa papirom za pečenje i u rerni zagrijati na 200 stepeni, peći povrće 30 minuta. U lonac nasutu 1.5 l vode, dodati povrtne kocke i pečeno povrće i majčinu dušicu. Sve zajedno kuhati 20 minuta kako bi povrće dodatno omekšalo. Nakon što se povrće skuhalo, višak vode ocijediti i izblendati u kremastu smjesu. Kuhato još nekoliko minuta kako bi se dobila željena gustina. Dodatno začiniti po želji.